Një zyrë postare private ka rënë pre e grabitësve mbrëmjen e sotme në Tiranë. Ngjarja ka ndodhur në afërsi të sheshit "Shqiponja". Dy persona të armatosur kanë grabitur paratë dhe janë larguar me motor. Nuk dihet ende vlera e parave të grabitura, ndërsa policia ka nisur punën për kapjen e autorëve.
Njoftimi i policisë
Në datë 16.06.2020, rreth orës 21:50, prane sheshit "Shqiponja", në një zyrë postare private, dyshohet se dy persona ende të paidentifikuar, nën kërcënimin e armës kanë vjedhur një sasi lekësh dhe janë larguar me një mjet motoçikletë.
Në të gjitha hyrje-daljet e Tiranës, janë ngritur pika kontrolli. Policia ka shpërndarë në këto pika, identikitet e autorëve.
Forcat e Policisë po krehin zonën dhe vijojnë kontrollet edhe në parkingje e ambiente të ndryshme.
Grupi hetimor vijon punën për zbardhjen e rrethanave të ngjarjes, me qëllim identifikimin e autorëve.
Policia e Shtetit fton çdo qytetar që mund të ketë të dhëna mbi autorët, të telefonojnë falas në 112, duke u garantuar anonimatin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
