Policia e Tiranës ka arrestuar gjashtë persona të akuzuar për vepra të ndryshme penale, ndërsa në kërkim janë shpallur dy të tjerë. Policia njoftoi arrestimet e këtyre shtetasve u bë për parandalimin dhe goditjen e paligjshmërisë.
Konkretisht, forcat e posaçme “Shqiponjat”, në bashkëpunim me Seksionin për Hetimin e Narkotikëve, bënë arrestimin në flagrancë të shtetasit O. (M).B., 36 vjeç, pasi në rrugën “Irfan Tomini”, gjatë kontrollit fizik, iu gjetën dhe iu sekuestruan një sasi lënde narkotike e dyshuar kokainë dhe një sasi lënde narkotike kanabis.
Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit E. T., 38 vjeç, pasi më datë 19.11.2020, ka vjedhur automjetin në pronësi të shtetasit E. B.
Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit P. C., 45 vjeç, i shpallur në kërkim për veprat penale “Vjedhja” , “Mashtrimi në sigurime“ dhe “Kallëzimi i rremë”.
Nga Seksioni i Kërkimit në DVP Tiranë, në bashkëpunim me Komisariatin e Policisë Rrugore, u bë kapja dhe ndalimi i shtetasit A. S., 50 vjeç, të cilin Gjykata e Shkallës së Parë Tiranë e ka dënuar me 1 muaj burgim, për veprën penale “Drejtimi i automjetit në mënyrë të parregullt”.
Ndërkohë, specialistët e Qarkullimit Rrugor bënë arrestimin në flagrancë të shtetasve: K., 30 vjeç, pasi në rrugën “Besim Alla”, u kap duke drejtuar mjetin në gjendje të dehur, në masën 0.74 mg/l.
Ç., 42 vjeç, pasi duke drejtuar mjetin në gjendje të dehur në masën 0.65 mg/l, ka aksidentuar këmbësorin me iniciale V. Gj, 36 vjeç, i cili ndodhet në spital, jashtë rrezikut për jetën.
Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
