Policia e Durrësit ka nisur procedimin penal ndaj dy të rinjve, pasi organizuan protestën për vrasjen e Klodian Rashës nga efektivi i Policisë, orët e para të mëngjesit të ditës së martë. Sipas policisë, nën procedim penal janë vënë të rinjtë A. B., 30 vjeç dhe Sh. M., 26 vjeç, banues në Durrës. Këta persona u proceduan për veprën penale “Organizimi dhe pjesëmarrja në grumbullime e manifestime të paligjshme”. Sipas policies, dy të rinjtë organizuan një grumbullim me rreth 40 persona, pa lejen e organeve kompetente.
Njoftimi i policisë:
Specialistët për Hetimin e Krimeve në Komisariatin e Policisë Durrës proceduan penalisht, për veprën penale “Organizimi dhe pjesëmarrja në grumbullime e manifestime të paligjshme”, shtetasit A. B., 30 vjeç dhe Sh. M., 26 vjeç, banues në Durrës.
Më datë 09.12.2020, rreth orës 17:00, këta shtetas kanë organizuar një grumbullim me rreth 40 persona, pa lejen e organeve kompetente.
Materialet i kaluan Prokurorisë së Rrethit Gjyqësor Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
