Një 32-vjeçar shqiptar është lënë në burg nga gjykata greke, pasi akuzohet se vrau me armë një 60-vjeçar në qytetin Kalyvia Thorikou në dhjetor të vitit të shkuar. Gjatë seancës gjyqësore, shqiptari identiteti i të cilit nuk është bërë i ditur, ka rrëfyer se viktima të cilin e kishte komshi, i kishte bërë magji. Dhe sipas pretendimit të tij, vetëm duke vrarë 60-vjeçarin do të “lirohej” nga magjia që i kishte bërë.
32-vjeçari shqiptar grindej shpesh me viktimën dhe bashkëshorten e tij, pasi kjo e fundit ishte administratore e pallatit ku banonin. Pasi vrau 60-vjeçarin, shqiptari u arratis në Shqipëri së bashku me nënën e tij. Ai u gjet nga policia shqiptare dhe iu dorëzua autoriteteve greke disa ditë më parë. Ndërkohë, avokatët e autorit kanë kërkuar që 32-vjeçarit shqiptar t’i bëhet ekspertizë nëse vuan nga probleme të shëndetit mendor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
