Autoboti përplas për vdekje një qytetare në Tiranë/ Pula: Viktima ndërron jetë në vend si pasojë e plagëve (VIDEO)

Një aksident i rëndë është regjistruar në Tirana, ku një autobot i UKT-së ka përplasur një grua që lëvizte me motoçikletë.

Gazetari Besmir Pula raportoi për "MCN live" nga vendi i ngjarjes, se si pasojë e plagëve të marra, e aksidentuara ka ndërruar jetë në vend. 

Aksidenti ndodhi pranë Gjykata e Tiranës.

Deri më tani nuk dihen rrethanat e sakta të aksidentit, ndërsa policia ndodhet në vendngjarje duke hetuar ngjarjen. 

Motoçikleta mbetet ende aty, ndërkohë që bashkëshorti i viktimës ndodhet në vendin e ngjarjes në gjendje të rënduar psikologjikisht.

Autobot gjendet pak metra afër vendngjarjes, poashtu ai nuk ka lëvizur dhe shoferi është ndaluar nga policia për procedura të mëtejme.