Gjykata e Fierit ka caktuar masën e sigurisë “Arrest me burg” për shtetasin Albert Zaja, i dyshuar për ekzekutimin e Shkëlzen Kastratit. Masa ndaj 37-vjeçarit ishte vendosur më herët në mungesë, ndërsa seancën e sotme është bërë vetëm rivlerësimi i saj. Gjyqtare e çështjes ka qenë Adelina Zarka. Shoqërimi i Albert Zajës është bërë nën masa të rrepta sigurie, ndërsa për monitorimin e situatës kanë qenë të pranishëm edhe forcat RENEA. Albert Zaja është personi që dyshohet se ka qëlluar për vdekje paraditen e datës 1 shkurt, në Sheq të Fierit Shkëlzen Kastratin brenda makinës së tij. Seancën e sotme mësohet se 37-vjeçari është njohur edhe me materialin hetimor të prokurorisë. Ndaj tij është caktuar një avokat kryesisht, i cili ka kërkuar që ndaj 37-vjeçarit të caktohej një masë më e butë sigurie se ajo “Arrest në burg. Albert Zaja, u arrestua të dielën në Fushë-Krujë, ndërkohë që kishte edhe pistoletë me vetë, e cila i është sekuestruar nga policia. Sipas policisë 37-vjeçari kur ka parë se është rrethuar nga RENEA ka tentuar të fshehë në baltë armën dhe ka tentuar të largohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
