Finalizohet nga Drejtoria Vendore e Policisë Shkodër, në bashkëpunim me Interpol Tirana, operacioni policor i koduar “Xhabija”, duke u vënë në pranga një person i shpallur në kërkim ndërkombëtar për grabitje me armë dhe plagosje, me qëllim ekstradimi drejt Italisë. Në vijim të punës për kapjen e shtetasve të shpallur në kërkim ndërkombëtar, si rezultat i bashkëpunimit dhe shkëmbimit të informacionit mes DVP Shkodër dhe Interpol Tirana, u organizua operacioni policor i koduar “Xhabija”, për kapjen e shtetasi të shpallur në kërkim ndërkombëtar. Gjatë operacionit, shërbimet e Forcës së Posaçme "Shqiponja" të Drejtorisë Vendore të Policisë Shkodër, në lagjen “Xhabije”, Shkodër, kapën dhe arrestuan me qëllim ekstradimin drejt Italisë, shtetasin: Agron Ndoci, 38 vjeç, banues në Velipojë, Shkodër. Ky shtetas ishte shpallur në kërkim ndërkombëtar, pasi Gjykata e Triestes, Itali, më datë 08.05.2023, ka lëshuar urdhrin e arrestit për veprat penale “Grabitja me armë” dhe “Plagosja”, parashikuar nga Kodi Penal i Italisë. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
