Edhe një person ka vdekur si pasojë e infektimit me koronavirus në Kosovë.
Lajmin e ka bërë të ditur Klinika Infektive pranë QKUK në Prishtinë.
Sipas njoftimit, bëhet fjalë për një 80-vjeçar nga Prishtina.
“Klinika Infektive e Qendrës Klinike Universitare të Kosovës ka njoftuar se sot, më 20 qershor 2020, në këtë klinikë ka vdekur pacienti A.G. (1940), me vendbanim në Prishtinë”, thuhet në njoftim.
Gjithashtu është bërë e ditur se i njëjti vuante edhe nga sëmundje tjera.
“Pacienti që ka ndërruar jetë, krahas diagnostikimit me Covid-19, vuante edhe nga disa sëmundje të tjera shoqëruese”, thuhet në njoftim.
Numri i të vdekurve nga koronavirusi në Kosovë ka shkuar në 35.
Ndërkohë 82 raste të reja me koronavirus janë regjistruar të premten në Kosovë, ka bërë të ditur Instituti Kombëtar i Shëndetësisë Publike në Kosovë. Sipas njoftimit, ky rezultat ka dalë nga testimi i 456 mostrave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
