Gjendet një grua e pajetë në Shkodër, ka plagë të shumta në trup

Një grua është gjetur e pajetë mesditën e sotme në Shkodër.

Nga të dhënat e para, raportohet se gruaja ka plagë të shumta në trup, të shkaktuara nga një mjet prerës.

Viktima e cila është gjetur pa shenja jete në Shkodër është identifikuar si Rudina Emini, nënë e tre fëmijëve.

Policia ka mbërritur në vendngjarje dhe pritet të zbardhë të vërtetën.

Ndërkohë, nuk dihet ende nëse kemi të bëjmë me vrasje apo vetëvrasje.

Ngjarja ka ndodhur në zonën e Rusit.