Një efektiv policie është dhunuar ditën e sotme në qytetin e Gjirokastrës duke u goditur me levë në kokë. Ngjarja ka ndodhur në Urën e Lumit, nga ku efektivi Sokrat Muho është qëlluar nga dy persona.
Pas plagosjes ai është transportuar për në urgjencën e spitalit në Gjirokastër në gjendje të rëndë shëndetësore. Efektivi i policisë punon në pikën Kufitare të Kakavijës.
Rreth orës 12:45, në vendin e quajtur "Ura e Lumit", Gjirokastër, persona të paidentifikuar kanë goditur me sende të forta shtetasin S. M., punonjës policie i DVKM Gjirokastër, jashtë orarit të punës, i cili është transportuar në Spitalin Rajonal Gjirokastër, për të marrë ndihmën mjekësore. Është identifikuar dhe shpallur në kërkim njëri nga autorët e dyshuar, shtetasi G. Zh.
Në vendngjarje kanë shkuar shërbimet e Policisë dhe janë ngritur pika kontrolli në hyrje dhe dalje të qytetit, me qëllim kapjen e shtetasit G. Zh., identifikimin dhe kapjen e autorëve të tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
