Policia ka konfirmuar se ngjarja e ndodhur sot në fshatin Bulgarec të Korçës, nuk është një vdekje për shkaqe natyrore, por një ngjarje kriminale.
Sipas të dhënave paraprake, 78-vjeçari Gëzim Vitia është goditur në kokë me mjete të forta, çka i ka shkaktuar vdekjen.
Në komisariat janë shoqëruar familjarë dhe të afërm të viktimës, të cilëve u janë marrë deklarime për konflikte të mundshme.
Për zbardhjen e plotë të ngjarjes, identifikimin e autorit apo autorëve dhe sqarimin e motiveve, policia dhe prokuroria po përdorin metoda speciale hetimi.
Hetimet janë përqendruar në dy pista kryesore: atë të një vjedhjeje me pasojë vdekjen, edhe pse në banesën e viktimës nuk janë konstatuar mungesa parash apo sendesh me vlerë, si dhe atë të një vrasjeje për motive të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
