Asgjësohen 10.600 bimë të kultivuara të dyshuara narkotike, shpallet në kërkim autori i dyshuar i kultivimit të bimëve narkotike.
Policia njoftoi se në Njësinë Administrative Lis, Bashkia Mat, në territorin e fshatit Myz, forcat policore të Komisariatit të Policisë Mat të mbështetura nga FNSh, mbi bazën e informacioneve të marra në rrugë operative dhe të administruara edhe nga Prokuroria e Rrethit Mat, në një parcelë të hapur rishtas u gjetën të kultivuara 10.600 bimë të dyshuara cannabis sativa.
Bimët narkotike u asgjësuan në vend me anë të djegies. Nga ana e Policisë po kryhen veprimet proceduriale nën drejtimin e Prokurorit të Rrethit Mat, i cili është prezent në vendngjarje së bashku me Drejtorin e Policisë Vendore.
Nga veprimet e para hetimore dyshohet si autor i kultivimit të bimëve narkotike shtetasi Fatmir Shehu, 45 vjeç, i cili është shpallur në kërkim nga ana jonë dhe vijon puna për kapjen e tij dhe zbardhjen e plotë të kësaj vepre penale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
