Tritol shtëpisë së ish-punonjësit të administratës publike në Sarandë

Një shpërthim me eksploziv ka ndodhur në orën 04.35 të mëngjesit të sotëm në lagjen nr.1 Sarandë.

Shpërthimi ka ndodhur në banesën e shtetasit Lefter Lefteri i njohur si Afez Kulla.

Lënda eksplozive e dyshuar si tritol ishte vendosur tek porta jashtë e vilës. Nga shpërthimi ka pasur vetëm dëme materiale, policia ndodhet në vendngjarje.

"Më datë 05.12.2022 rreth orës 04:45, në lagjen nr.1, Sarandë, në murin rrethues të banesës së shtetasit L. L, ka shpërthyer një sasi e vogël lëndë plasëse. Si pasojë janë shkaktuar dëme të vogla materiale," njoftoi policia.

Në objektin 3 katësh ku u vendos eksplozivi jetonte familja prej 4 anëtarësh e 54-vjecarit .

Ky i fundit rezulton ndërtues, ndërsa më parë ka qënë punonjës i administratës publike.

 Lefter Lefteri alias Afez Kulla, 54-vjeçari që iu tritoli në derën e shtëpisë ka punuar në administratën publike. Mësohet se Lefteri është kallëzuar në Policinë e Sarandës për një ndërtim pa leje në lagjen nr.1, ku dhe banonte.