Zjarrvëniet e qëllimshme/ Balla: Për 23 persona të arrestuar, drejtësia të japë dënimin e merituar

Për zjarrvëniet e qëllimshme gjatë kësaj vere janë arrestuar 23 persona.

Duke u bazuar edhe në arrestimin e fundit të zjarrvënësit të Laçit, ministri i Brendshëm, Taulant Balla, kërkon nga drejtësia gjykimin dhe ndëshkimin e tyre.

Gjykata e vlerësoi të ligjshëm dhe të mbështetur në prova arrestimin e zjarrvënësit të Laçit dhe kjo është një arsye për ta vlerësuar Prokurorinë për dokumentimin e dosjes penale dhe vendimin e përgjegjshëm të Gjykatës!

Në pritje që 23 zjarrvënësit e arrestuar nga Policia e Shtetit këtë sezon veror të marrin dënimin e merituar për veprën e tyre kriminale, bëj apelin e përsëritur edhe nga Kryeministri Rama, që gjykatësit e këtyre çështjeve ta mbyllin përfundimisht me vendimet e tyre kapitullin e gjatë dhe të turpshëm për drejtësinë të mosndëshkimit të duhur të kësaj vepre penale për vite me radhë!