Policia e Shkdrës ka mundur të identifikojë autorin e dyshuar të atentatit ndaj shtetasit Vinçesk Pirolit, i cili mbeti i plagosur rëndë. Sipas policisë, në kërkim është shpallur 23-vjeçari Arjon Beiri, banues në lagjen “Partizani”, ndaj të cilit rëndon akuza për “vrasje me dashje e mbetur në tentativë” të kryer në bashkëpunim dhe “armëmbajtje pa leje”.
Policia thotë se 23-vjeçari nuk ka vepruar i vetëm. Ndërkohë, të enjten në rrugën “Hodo Beg Sokoli” në Shkodër u gjet i braktisur një makinë “BMW X5” që dyshohet se është përdorur nga autorët e ngjarjes. Ky automjet është marrë me qira nga 23-vjeçari Arjon Beqiri në datën 3 Janar 2022, pikërisht në ditën kur u qëllua me armë Vinçesk Piroli.
Në lidhje me këtë ngjarje, më datë 05.01.2022 janë arrestuar në flagrancë për veprat penale “Moskallëzimi i krimit” dhe “Veprime që pengojnë zbulimin e së vërtetës”, edhe vetë i plagosuri Vinçesk Piroli dhe kushëriri i tij Marjan Marku, 29 vjeç, i cili ka transportuar 34-vjeçarin në spital, por nuk ka njoftuar policinë dhe nuk ka kallëzuar për rrethanat e ngjarjes.
Nën drejtimin e Prokurorisë vijon puna për zbardhjen e plotë të rrethanave të ngjarjes, identifikimin dhe arrestimin e bashkëpunëtorëve të tjerë të përfshirë në këtë ngjarje kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
