Aksident me pasojë tre persona të plagosur rëndë është regjistruar mëngjesin e kësaj të diele në Fier.
Ngjarja ka ndodhur rreth orës 08:25, në aksin rrugor Levan-Tepelenë, në afërsi të fshatit Frakull e Madhe, Fier, ku ka dalë nga rruga automjeti tip "Fiat" me drejtues shtetasin E. S., 35 vjeç, banues në Varibob.
Për pasojë është dëmtuar drejtuesi i mjetit dhe pasagjerët në mjet, shtetasi A. S., 33 vjeç dhe shtetasja Xh. S.
Menjëherë pas aksidentit të plagosurit janë dërguar me urgjencë në spitalin rajonal te qytetit ku raportohet se ndodhen nën kujdesin e mjekëve.
Policia dhe grupi hetimor të cilët ndodhen në vendin e ngjarjes po punojnë për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
