Gjykata e Tiranës ka shtyrë sërish sot seancën gjyqësore ndaj Izet Haxhisë, i akuzuar për vrasjen e ish-deputetit Azem Hajdari. Shkak për shtyrjen e seancës mësohet se është bërë mungesa e avokatit mbrojtës, Idajet Beqiri.
Sakaq, në seancën e sotme u paraqit edhe një nga dëshmitarët e kërkuar në proces, Kujtim Riza. Por këtij të fundit do t’i duhet të rikthehet sërish në gjykatë seancën e ardhshme.
Prokurori Dritan Dushi, për dëshmitarët të cilët nuk kanë paraqitur shkaqe ligjore për të mos u paraqitur në seancë ka kërkuar që ata të shoqërohen forcërisht në seancë. Ndërkohë, togat e zeza vendosën që të caktojnë avokat kryesisht për Izet Haxhinë, Elvis Gorishtit. Gjithashtu vendosi të urdhërohet shoqërimi i detyrueshëm për dy dëshmitarë, Agim Logu dhe Kleo Murataj.
Senaca e ardhshme do të zhvillohet në datë 4 dhjetor, në orën 12:00. Ndërkohë, kujtojmë që Izet Haxhia më herët kishte kërkuar përjashtimin e trupës gjykuese, por kërkesë kjo që është rrëzuar nga Gjykata e Lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
