Kolegji i Posaçëm i Apelimit vendosi sot prishjen e vendimit të KPK, dhe urdhëroi KPK të kryejë procesin e rivlerësimit për gjyqtaren Entela Shedula edhe për kriteret e kontrollit të figurës dhe të vlerësimit profesional.
Gjyqtarja Entela Shedula paraqiti konkluzionet përfundimtare, duke i kërkuar Kolegjit ndryshimin e vendimit të Komisionit të Pavarur të Kualifikimit dhe konfirmimin e saj në detyrë.
Sot, Kolegji i Posaçëm i Apelimit argumentoi se Komisioni i Pavarur i Kualifikimit ka kryer vlerësimin vetëm për kriterin e pasurisë për gjyqtaren Entela Shedula.
Mbi këtë bazë, KPA shpalli vendimin, duke prishur vendimin e Komisionit të Pavarur të Kualifikimit dhe urdhëroi KPK të kryejë procesin edhe për kriteret e kontrollit të figurës dhe të vlerësimit profesional.
Komisioni i Pavarur i Kualifikimit më datë 04/06/2020, vendosi shkarkimin nga detyra të subjektit të rivlerësimit, Entela Shedula, kryetare/gjyqtare pranë Gjykatës së Rrethit Gjyqësor Kavajë.
Entela Shedula e ka filluar karrierën në sistemin e drejtësisë në vitin 1996. Ajo ka punuar për një kohë të gjatë si gjyqtare në Gjykatën e Kavajës dhe prej vitit 2011 mban pozicionin e kryetares së kësaj gjykate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
