Një person i shpallur në kërkim në kuadër të operacionit të koduar “Vakumi”, është vënë në prangat e policisë në Tiranë ndërkohë që udhëtonte me taksi.
I arrestuari është Mir Ndoj, 36 vjeç, banues në Lezhë.
Ndoj ishte shpallur në kërkim pasi dyshohet se 5 ditë më parë, në rrugën e fshatit Balldre, në bashkëpunim me shtetasin D. N., i cili u arrestua në flagrancë, po transportonte rreth 34 kilogramë lëndë të dyshuar narkotike kanabis sativa, por gjatë ndërhyrjes nga shërbimet e policisë, duke përfituar nga errësira dhe nga njohja e terrenit, ka mundur të largohet.
Aktualisht vijon puna për kapjen e shtetasve të shpallur në kërkim në vijim të këtij operacioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
