Avokati dhe ish-prokurori i Krimeve të Rënda, Gentian Trenova, për raportimin e organeve të drejtësisë në seancën e sotme parlamentare, thotë se është raportim por thotë se SPAK deri më sot ka vepruar shumë ngadalë dhe nuk është në nivelin e duhur.
Nga studio e MCN Live, ai deklaroi se është kundër lavdërimeve të SPAK.
Një lavdërim i SPAK do të thotë të biesh dakord me këtë nivel korrupsioni dhe këtë nivel drejtësie.
Puna e SPAK është në nivele fillestare dhe nuk duhet të jemi të kënaqur me punën e saj.
E vetmja gjë që mund ti kërkojnë deputetët SPAK, është se pse SPAK nuk i ka arrestuar ata.
Pse nuk ka arritur të ecë me masa sigurie ndaj zyrtarëve të lartë?
Sa i takon dosjes së “Onkologjikut”, për të cilën prokuroria e Tiranës shpalli moskompetencë dhe ia kaloi SPAK, Trenova deklaroi se problemi më shqetësues është cilësia e ilaçeve.
Duhet bërë një hetim që të shikohet cilësia e ilaçeve, nga një hetim që kam pasur me prokurorinë, kam një dyshim se ilaçet nuk janë origjinale.
Nuk janë të licencuara, apo pjesa më e madhe e ilaçeve në Shqipëri, nuk janë origjinale, janë të falsifikuar. Pjesa e korrupsionit nuk është asnjë gjë përballë kësaj situate.
Problemi është që të paktën ilaçin që marrim të jetë i saktë, sidomos te rasti i “Onkologjikut”, që ato ilaçe duhen marrë te kompania që i prodhon dje ajo që i importon, duhet të ketë licencën nga kompania mëmë.
Që të plotësojnë standardet kompanitë që bëjnë importimin, kanë shumë kërkesa të cilat kompanitë shqiptare nuk i plotësojnë dot.
Skema e korrupsionit nuk luftohet me operacione policie, por me reforma.
Kalimi i dosjes në SPAK mund të jetë pasi prokuroria mendon se skema korruptive mund të jetë korrupsion i punonjësve të Onkologjikut, i kalon SPAK.
Është abuzim me detyrën por në formën e një grupi kriminal, ose nëse kanë arritur në nivele të larta të ministrit, për të hetuar ministrin, nëse ka ndonjë abuzim me detyrën në formën e neglizhencën, për marrjen e masave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
