Plagosi me thikë një 41-vjeçarin në Kuçovë, identifikohet autori

Policia ka identifikuar autorin e plagosjes së 41-vjeçarit me iniciale E.B mbrëmjen e djeshme në lagjen “Llukan Prifti” në Kuçovë.

Bëhet me dije se ka qenë një 24-vjeçar me iniciale B.A ai që ka plagosur 41-vjeçarin pas një konflikti të çastit. 

I plagosuri ndodhet në spitalin e Traumës jashtë rrezikut për jetën.

Njoftimi: Plagosi me mjet prerës (thikë) një 41-vjeçar, për shkak të një konflikti të çastit ndërmjet tyre, Policia identifikon autorin dhe vijon punën për kapjen e tij. Si rezultat i veprimeve hetimore të kryera nga shërbimet e Komisariatit të Policisë Kuçovë, për plagosjen e shtetasit E. B., të kryer mbrëmë, në lagjen “Llukan Prifti”, për shkak të një konflikti të çastit, u bë i mundur identifikimi i autorit të këtij rasti, shtetasit B. A., 24 vjeç, banues në Kuçovë.

I dëmtuari, shtetasi E. B. vijon të marrë asistencë mjekësore në Spitalin e Traumës, ku është jashtë rrezikut për jetën. Ndërkaq, Policia vijon punën për kapjen e shtetasit B. A. dhe për zbardhjen e plotë të rrethanave të këtij konflikti.