IKMT ka ndëshkuar me gjobë një kompani, e cila i depozitonte mbetjet në lumin Shkumbin. Mbetjet urbane u konstatuan në territorin e bashkisë Rrogozhinë, në fshatin Zall, pranë bregut të lumit Shkumbin, ku ishin hedhur nga “Viola-Green SHPK”, e kontraktuar për pastrimin e qytetit.
Disa ditë më parë, Inspektorati Kombëtar i Mjedisit dhe Territorit ka marrë kompetencat për kontrollin dhe mbrojtjen e mjedisit dhe nisur nga rasti në fjalë u bën thirrje gjithë bashkive të vlerësojnë si prioritet mbrojtjen e mjedisit përgjatë kryerjes së punëve publike.
Veç masave administrative, Policia e Shtetit do të ndërmarrë hetim penal për këtë rast, si dhe në çdo rast tjetër që lidhet me krimet mjedisore.
IKMT në bashkëpunim me Policinë e Shtetit do të intensifikojë inspektimet në terren, në çdo bashki apo njësi vendore, duke shoqëruar me masa të ashpra çdo shkelje të konstatuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
