Gjykata ka vendosur sot masën e sigurisë “detyrim paraqitjeje” për Ervin Matën, i cili u vetëdorëzua pak ditë më parë, pasi rezultonte në kërkim për vrasjen në Bllok.
Prokuroria kishte kërkuar “arrest me burg” për Matën.
Ngjarja ndodhi mbrëmjen e 4 tetorit në një lokal në një nga zonat më të frekuentuara të Tiranës, ku mbeti i vrarë Fabiol Gaxha, ndërsa u plagosën Ervis Martinaj dhe Elion Hato.
Gaxha u qëllua për vdekje nga komandoja Meviol Bilo si pasojë e një përplasje me armë mes grupit të Ervis Martinajt dhe atij të Ervin Matës.
Në lidhje me këtë ngjarje vijon të qëndrojë në burg biznesmeni tjetër Ervis Martinaj, ndërsa Geldo Hoti, Ajaks Boshnjaku, Redi Popesku, Fabiol Alushi u lanë të lirë pas arrestimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
