Postblloqe të shumta janë ngritur mbrëmjen e sotme në qytetin e Elbasanit, pasi burime nga policia bëjnë të ditur se një nga personat që ka marrë pjesë në vrasjen e 55-vjeçarit në Laç dyshohet të jetë në këtë qytet.
Efektivë të policisë po ushtrojnë kontrolle për të bërë të mundur identifikimin dhe kapjen e të dyshuarit. Mësohet se i dyshuari për vrasjen ka hyrë në qytetin e Elbasanit me një automjet, për të cilin po kryhen të gjitha verifikimet përkatëse.
Kujtojmë që biznesmeni Rakip Rroli u qëllua me breshëri kallashnikovi mëngjesin e sotëm, sapo doli nga banesa e tij në Laç. Burime nga policia bënë të ditur se momentin e ngjarjes, autorët kanë qenë në këmbë. Më pas ata janë larguar në drejtim të paditur. Dëshmitarët që kanë parë skemën e krimit kanë dëshmuar detajet, duke dhënë edhe informacion mbi personat që qëlluan me breshëri ndaj biznesmenit Rroli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
