Një turiste 25-vjeçare ka ndërruar jetë pasditën e sotme në spitalin e Vlorës, ku ishte dërgua fillimisht për të marrë mjekim, pasi u rrëzua teksa ishte duke zbritur nga një anije e ankoruar pranë portit të Vlorës.
Për këtë rast, ka rënë në pranga 47-vjeçari, Aleksandër Golemaj, për veprën penale “Shkelja e rregullave të mbrojtjes në punë”.
Sipas policisë i arrestuari nuk duhej të kishte lejuar prezencën e 25-vjeçares në kuvertën e anijes në një moment që ishte e ankoruar.
“Specialistët për Hetimin e Krimeve në Komisariatin e Policisë Vlorë bënë arrestimin në flagrancë për veprën penale “Shkelja e rregullave të mbrojtjes në punë” të shtetasit A. G., 47 vjeç, banues në Vlorë.
Arrestimi i këtij shtetasi u bë pasi, mengjesin e sotëm, nga anija turistike ku ishte i punësuar, dyshohet se është rrëzuar një shtetase ende e paidentifikuar, rreth 25 vjeçe, e cila për pasojë ka ndërruar jetë në spitalin e Vlorës. Vijon puna për identifikimin e saj.
Materialet i kaluan Prokurorisë së Rrethit Gjyqësor Vlorë, për veprime të mëtejshem”, njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
