Një adoleshent pa mbetur i plagosur pas një sherri për motive të dobëta me thikë. Mësohet se ngjarja në fjalë ka ndodhur në lagjen “Nr.1” të Kavajës, rreth orës 21:35 . Burime zyrtare nga policia bënë me dije se në sherr u përfshinë dy të rinj, e për pasojë i plagosur mbeti shtetasi V. L., 17 vjeç.
Informacion paraprak
Më datë 20.10.2017, rreth orës 21:35, jemi njoftuar se në Kavajë ka ndodhur një konflikt me thikë, midis dy të rinjve. Në vendngjarje kanë mbërritur shërbimet e policisë dhe ambulanca, ku nga verifikimet paraprake ka rezultuar se :
Në Kavajë, në lagjen “Nr.1” për motive të dobëta janë konfliktuar me thikë, shtetasi V. L., 17 vjeç dhe G. S., 17 vjeç, ku si pasojë ka mbetur i dëmtuar me thikë, shtetasi V. L., 17 vjeç.
Shtetasi i dëmtuar ndodhet në spital për ndihmë mjekësore, jashtë rrezikut për jetën. Shtetasi G. S., është shoqëruar në ambientet e policisë për sqarimin e rrethanave dhe veprime të mëtejshme proceduriale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
