Gjykata e Korçës ka caktuar masën e sigurisë “Arrest me burg” për pesë efektivët e komisariatit të Maliqit të arrestuar për shpërdorim detyre.
Gjatë seancës së zhvilluar mëngjesin e sotëm efektivët e rendit, Marius Kapllanaj, Fillon Kazaferi, Ylli Damo, Ardian Shepllo, Adrian Cekici, morën masën “arrest me burg” ndërsa për dy efektivët Orges Vojkollari dhe Fatjola Qose është lënë masa e pezullimit nga detyra pa afat.
Shtatë efektivët akuzohen për “shpërdorim detyre”, pasi kanë favorizuar subjektet për prerje të pyjeve. Përgjimi i telefonave ka zgjatur mbi 1 muaj duke nxjerrë të 7 efektivët e përfshirë në këtë veprimtari të paligjshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
