I dënuar me shtatë vite burg/ Arrestohet 60-vjeçari i shpallur në kërkim në Pogradec

Policia e Pogradecit ka vënë në pranga një 60-vjeçar të shpallur në kërkim.

Eduart Elmasllari, 60-vjeç rezulton i dënuar me 7 vite heqje lirie. Ai akuzohet se është pjesë e një grupi kriminal që kalonte në kufi emigrantë të paligjshëm.

Pogradec/Finalizohet operacioni policor i koduar "Liqeni", për kapjen e një shtetasi të shpallur në kërkim.

I dënuar me rreth 7 vjet burgim, si pjesëtar i një grupi kriminal që ndihmonte emigrantë, në mënyrë të vazhdueshme, për të kaluar ilegalisht kufirin, kapet dhe vihet në pranga 60-vjeçari.

Në vijim të punës për lokalizimin, kapjen dhe nxjerrjen para përgjegjësisë penale të shtetasve të shpallur në kërkim, specialistët për Hetimin e Krimeve të Komisariatit të Policisë Pogradec organizuan dhe finalizuan operacionin policor të koduar "Liqeni".

Si rezultat i këtij operacioni, me mbështetjen e inteligjencës informative, u bë kapja dhe ndalimi i shtetasit të shpallur në kërkim:

-Eduart Elmasllari, 60 vjeç, banues në Pogradec.

Gjykata e Shkallës së Parë për Korrupsionin dhe Krimin e Organizuar e ka dënuar këtë shtetas me 6 vjet e 8 muaj burgim, për veprën penale "Ndihma për kalim të paligjshëm të kufijve", kryer më shumë se një herë, në formën e grupit të strukturuar kriminal.

Materialet procedurale i kaluan për veprime të mëtejshme, Prokurorisë së Posaçme kundër Korrupsionit dhe Krimit të Organizuar.