Një aksident ka ndodhur pasditen e sotme në zonën e njohur si “Pallati me Shigjeta”, në Tiranë. Sipas informacioneve paraprake, mësohet se një mjet ka aksidentuar një të moshuar duke përfunduar më pas në lumin Lana.
Si pasojë e këtij aksidenti ka mbetur i plagosur edhe drejtuesi i mjetit. Ata janë dërguar në Spitalin e Traumës për trajtim mjekësor.
Policia ka shkuar në vendin e ngjarjes dhe ka nisur hetimet për zbardhjen e shkakut të këtij aksidenti.
Njoftimi i policisë:
Më datë 25.06.2021, rreth orës 19:00, në bulevardin “Bajram Curri”, mjeti me drejtues shtetasin M. H., ka aksidentuar shtetasin Q. K., rreth 80 vjeç, i cili ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
