“New Start” u kodua një operacion i policisë së Fierit gjatë të cilit u vu në pranga një person, i kapur me kokainë në makinë, të cilën synonte që ta shiste.
Si i dyshuar u arrestua Y. E., 26 vjeç, banues në Fier.
Gjatë kontrollit fizik dhe të automjetit që i riu drejtonte, shërbimet e policisë gjetën një sasi prej 81 gramësh lëndë të dyshuar narkotike kokainë, të cilën ky shtetas e posedonte me qëllim shitjen.
26-vjeçari ka tentuar t’u ikë punonjësve të policisë, por është neutralizuar dhe më pas vënë në pranga.
Në cilësinë e provës materiale u sekuestruan lënda narkotike, 1 automjet dhe 3 celularë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
