Teksa Shqipëria së fundi u bë anëtare e plotë e Mekanizmit të Mbrojtjes Civile të BE-së, ministri i Mbrojtjes, Niko Peleshi u shpreh sot se ratifikimi në Kuvend i kësaj marrëveshjeje, është një akt i rëndësishëm që paraprin anëtarësimin e plotë në këtë bashkim forcash me aleatët tanë.
Sipas tij, ajo i paraprin ndihmës në përballje me rreziqet natyrore që mund të godasin vendin.
Ratifikimi nga Parlamenti, i marrëveshjes ndërmjet Republikës së Shqipërisë dhe BE për pjesëmarrjen e vendit tonë në Mekanizmin Evropian të Mbrojtjes Civile, një akt i rëndësishëm që paraprin anëtarësimin e plotë në këtë bashkim forcash me aleatët tanë, në përballje me rreziqet natyrore që mund të godasin vendin dhe jo vetëm, si pasojë e ndryshimeve klimatike.
Anëtarësimi i Shqipërisë në mekanizmin e Mbrojtjes Civile të Bashkimit Evropian do të ndikojë në rritjen e bashkëpunimit në fushën e mbrojtjes civile për të gjitha llojet e fatkeqësive, natyrore dhe të shkaktuara nga dora e njeriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
