Çuçi për zhduken e Martinaj: Policia do të flasë kur të ketë prova

Ministri i Brendshëm në Republikën e Shqipëri, Bledi Çuçi, ka deklaruar sot pas prezantimit të programit ‘EU4LEA’; 'Bashkimi Evropian për Zbatimin e Ligjit në Shqipëri’ të financuar nga BE për sigurinë, se policia do të flasë për Ervis Martinajn kur të ketë prova.

Teksa ju përgjigj interesimit të gazetarëve se çfarë po ndodh me hetimet, ministri theksoi se policia nuk mund të flasë pa pasur prova.

Ne flasim kur kemi prova. Policia e Shtetit nuk mund të flasë pa pasur prova.

Nuk ka dyshim se eliminimi i Ervis Martinajt nga skena e botës së krimit të organizuar në Shqipëri, është një prej ngjarjeve më të bujshme të kronikës, në dekadën e fundit.

I njohur si ‘mbreti’ i lojërave të fatit, Ervis Martinaj është zhdukur prej 40 ditësh. Zhdukja e tij ka vënë në lëvizje jo vetëm institucionet e drejtësisë, por edhe politikën.