Policia e Sarandës ka arrestuar gjatë orëve të fundit tre persona, ndaj të cilëve rëndojnë akuza të ndryshme. Më konkretisht, sipas burimeve zyrtare të policisë, specialistët për Hetimin e Krimeve në Komisariatin e Policisë Sarandë arrestuan në flagrancë shtetasit B. M., 28 vjeç, dhe Sh. M., 19 vjeç, banues në Sarandë, pasi dyshohet se në datën 12.02.2021, në Sarandë, në bashkëpunim me njeri-tjetrin kanë vjedhur në banesën e një shtetasi disa materiale.
Po nga specialistët për Hetimin e Krimeve në Komisariatin e Policisë Sarandë u arrestua në flagrancë, për veprën penale “Dhuna në familje”, shtetasi K. K, banues në Sarandë, pasi ka ushtruar dhunë fizike dhe psikologjike ndaj bashkëshortes së tij. Materialet në ngarkim të këtyre shtetasve iu referuan prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
