Shiu i rrëmbyeshëm i pasdites së të hënës ka shkaktuar dëme të konsiderueshme ekonomike në fshatin Radomirë të Dibrës.
Një tufë bagëtish të trasha, rreth 10 krerë gjedhë, u rrëmbye nga rrjedha e fuqishme e ujit e krijuar si pasojë e reshjeve intensive.
Ngjarja ndodhi në fshatin Rade, në Njësinë Administrative Kala e Dodës, Bashkia Dibër.
Tufa e lopëve po kthehej nga kullota kur është rrëmbyer papritur nga rrjedha e një përroi.
Për pasojë mbi 10 krerë lopë u mbytën, ndërsa arriti të shpëtonte bariu që i shoqëronte.
Drejt vendit të ngjarjes kanë shkuar specialist të shërbimit veterinar të Bashkisë Dibër dhe Shërbimit të Veterinarisë së Ekstensionit Bujqësor Didër të cilët po bëjnë vlerësimin e dëmeve.
Të gjitha lopët ishin të regjistruara dhe të matrikulluara, ku pritet të kërkohet subvencionim të dëmit nga strukturat vendore dhe ato qendrore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
