Autoriteti Rrugor Shqiptar ka bërë të ditura sot përgatitjet për të qenë në gatishmëri për situatën e reshjeve të borës që pritet të mbulojnë vendin.
“Sipas parashikimit të motit pritet të fillojnë reshje dëbore në veri dhe në jug. Kontraktorët janë përgatitur me mjete e punëtorë për të mundësuar qarkullim normal në të gjitha akset”, njofton Autoriteti Rrugor Shqiptar.
Ndërkohë në qytetin e Korçës, gjatë ditës së sotme ka pasur reshje shiu dhe dëbore ndërsa në fshatin turistik të Dardhës reshjet janë ende prezente duke shënuar një trashësi prej 10 cm nga kilometri 7 deri në km 14.
Zonat më të përfshira nga dëbora sipas zyrtarëve të autoritetit lokal të rrugëve nacionale janë Dardha dhe Devolli ndërsa më pak të përfshira zona e qafës së Qarrit dhe Voskopoja.
Aktualisht të gjitha rrugët janë të kalueshme por sektori i qarkullimit rrugor u bën thirrje drejtuesve të mjeteve për kujdes maksimal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
