Aksident me pasojë vdekjen e një personi është regjistruar këtë të mërkurë në autostradën Lushnje-Fier.
Ngjarja ka ndodhur fshatin Bishqethem, ndërsa viktima aksidentit me vdekje është shtetasi Qemal Shala 59 vjeç. Sipas informacioneve të para në vendngjarje, 59-vjeçari është përplasur në pjesën e pasme të mjetit bujqësor i cili drejtohej nga Josif Pina, rreth 60 vjeç.
Përplasja ka qenë e fortë duke bërë që trupi i viktimës të përfundojë mbi rimorkion e zetorit. Drejtuesi i motorit ka humbur jetën menjëherë në vendngjarje, ndërsa drejtuesi i mjetit bujqësor i tha policisë rrugore se nuk e kishte parë viktimën, vetëm kur ndjeu përplasjen ka frenuar.
Megjithë rrethanat e ngjarjes, polici ka ndaluar drejtuesin e mjetit bujqësor edhe me akuzën e shkeljes së rregullave të qarkullimit.
As mjeti bujqësor dhe as drejtuesi i motorit nuk duhet të qarkullojnë në këtë rrugë. Por mungesa e rrugës dytësore ka sjell shumë aksidente në këtë zonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
