Policia e Tiranës njofton se ka proceduar në gjendje të lirë një 62-vjeçar në Tiranë.
Kjo për faktin se A.Xh ka dëmtuar fshirëset e xhamave të rreth 30 automjeteve në disa zona të kryeqytetit.
Bëhet me dije se 62-vjeçari vuan nga probleme të shëndetit mendor.
Njoftimi i Policisë:
Shërbimet e Komisariatit të Policisë Nr. 3, pas kallëzimeve të depozituara nga disa shtetas, për një person që iu kishte dëmtuar fshirëset e xhamave të automjeteve, pasi kanë identifikuar autorin e dyshuar, e kanë shoqëruar atë në komisariat për sqarimin e rrethanave dhe kryerjen e veprimeve të mëtejshme procedurale.
Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe u procedua në gjendje të lirë shtetasi A. Xh., 62 vjeç, banues në Tiranë, i cili dyshohet se vuan nga probleme të shëndetit mendor.
Materialet i kaluan Prokurorisë për veprën penale “Shkatërrimi i pronës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
