Policia e Shtetit vijon kontrollet në akset kryesore të vendit, në mënyrë parandalimin e aksidenteve. Gjatë 48 orëve të fundit, policia njofton se janë arrestuar 18 shoferë të cilët drejtonin makinën pa patent dhe në gjendje të dehur.
“Në Bypass-in e Fierit, në aksin Fier-Vlorë, janë konstatuar me radar dy automjete, një “Land Rover” që drejtohej nga shtetasi B. S., nga Tirana, i cili qarkullonte me shpejtësi 194/km/h dhe një “Benz” që drejtohej nga një shtetas kosovar M. I., me banim në Zvicër, i cili qarkullonte me shpejtësi 191 km/h. Të dy drejtuesit e mjeteve nuk i kanë ndaluar patrullës së Policisë Rrugore me radar, por janë kapur nga shërbimet e Policisë Vlorë dhe janë ndëshkuar me gjobë nga 48.000 lekë secili”, njofton policia.
Ndërsa në rrugën interurbane Tiranë-Durrës, policia ka konstatuar me radar, mjetin tip “Benz” që drejtohej nga shtetasi B. K., nga Tirana, i cili qarkullonte me 160 km/h. Drejtuesi është ndëshkuar me 10.000 lekë të rinj gjobë, pezullim të lejes së drejtimit 3 muaj dhe zbritje pikësh nga patenta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
