Përplasen dy makina në aksin Elbasan- Cërrik, tre persona të plagosur

Aksident me pasojë tre persona të plagosur është regjistruar paraditen e sotme në aksin e rrugës kombëtare Elbasan- Cërrik.

Ngjarja ka ndodhur rreth orës 10:00 të paradites së sotme në vendin e njohur si “Ura e Zezë”.

Sipas informacioneve paraprake, në përplasje janë përfshirë dy automjete të cilat kanë pësuar dëmtime të shumta materiale si pasojë e forcës së goditjes.

Nga aksidenti kanë mbetur të plagosur të paktën tre persona, të cilët janë transportuar drejt spitalit për të marrë ndihmën mjekësore.

Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për zbardhjen e plotë të shkaqeve dhe rrethanave të aksidentit.