Një aksident rrugor është regjistruar paraditen e sotme në aksin Elbasan-Cërrik, ku një automjet është përplasur me një furgon pasagjerësh dhe më pas ka marrë flakë.
Sipas informacioneve paraprake, përplasja ka qenë e fortë dhe ka shkaktuar dëme të konsiderueshme materiale.
Pas përplasjes, automjeti është përfshirë nga flakët, duke shkaktuar momente paniku te drejtuesit e mjeteve dhe personat që ndodheshin pranë vendit të ngjarjes.
Në zonë kanë mbërritur shërbimet e emergjencës dhe forcat e policisë, të cilat kanë ndërhyrë për shuarjen e flakëve, sigurimin e perimetrit dhe normalizimin e qarkullimit.
Nga informacionet paraprake mësohet se nuk ka persona të lënduar nga aksidenti, ndërsa autoritetet po vijojnë verifikimet për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
