Një valixhe e braktisur në rrugë ka alarmuar mbrëmjen e sotme Policinë e Tiranës dhe forcat speciale. Nën dyshimet se kemi të bëjmë me një alarm për bombë, forcat xheniere kanë shkuar në vendin e ngjarjes dhe kanë rrethuar zonën në rrezik. Gjithashtu është bërë evakuimi i banorëve, ndërsa pritet të bëhet shpërthim i kontrolluar i saj. Valixhja është lënë tek shkallët e një dyqani në afërsi të stadiumit “Dinamo”.
Njoftimi i policisë:
Më datë 26.07.2021, në rrugën “Sulejman Delvina”, sherbimet e Policisë kanë konstatuar në trotuar një valixhe të braktisur.
Menjeherë pas konstatimit është vendosur perimetri i sigurisë dhe është bërë njoftimi i forcas xheniere për veprime të metejshme. Grupi hetimor punon për sqarimin e rrethanave të ngjarjes.
Ndërkohë, pas shpërthimit të kontrolluar forcat xheniere kanë konstatuar se në valixhe kishte rroba dhe jo lëndë eksplozive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
