Një operacion i policisë së kryeqytetit i koduar “Pirateria” ka vënë në pranga një person dhe ka shpallur në kërkim dy të tjerë, pasi transmetonin ndeshje sportive në mënyrë të paligjshme.
I arrestuari është Lorenc Teranaj, 48 vjeç, banues në Tiranë, i dënuar më parë për “Trafik narkotikësh”.
Gjithashtu u proceduan penalisht në gjendje të lirë E. Th., 48 vjeç, banues në Tiranë dhe A. C., 40 vjeç, banues në Tiranë.
Nga kontrollet e ushtruara në ambientet e përdorura për lojëra fatesh, nga të dyshuarit janë konstatuar edhe sekuestruar në cilësinë e provës materiale.
Në ambientet në përdorim të Teranaj, gjatë ditës së djeshme, janë gjetur gjashtë aparatura elektronike lojërash fati, peshë aparate transmetues Dream Box që shërbejnë për transmetimin e ndeshjeve në mënyrë pirate dhe një tavolinë pokeri.
Në ambientet në përdorim të shtetasve E. Th. dhe A. C., janë gjetur dhjetë aparate trasmetues Dream Box që shërbejnë për transmetimin e ndeshjeve në mënyrë pirate.
Ndaj të dyshuarve vijojnë ende hetimet, ndërkohë që materialet i’u referuan Prokurorisë së Tiranës për veprat penale, “Fshehja e të ardhurave”, “Organizimi i lotarive të palejuara” dhe “Vënia në dispozicion e lokaleve për lojëra të palejuara”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
