Sot do të zhvillohet seancë gjyqësore për organizatorin e sulmit ndaj avokatit Sokol Mëngjesi, Dritan Nano, dhe për një nga katër dhunuesit, Dorjan Alia.
Prokuroria ka kërkuar arrest me burg për Dritan Nanon dhe Dorjan Alian.
Tre dhunuesit e tjerë Drivald Alia, Elton Kasa dhe Romario Tabaku janë ende në kërkim nga policia.
Ndërsa për tre dhunuesit e tjerë që janë në arrati, prokuroria ka kërkuar caktimin e masës së sigurisë arrest me burg në mungesë.
Sokol Mëngjesi u dhunua me sende të forta në kokë në zonën e ish-bllokut, pak minuta pasi kishte lënë djalin e mitur në kopsht.
Aktualisht Mëngjesi ndodhet në spitalin e Traumës, në intubim në gjendje të rënduar shëndetësore.
Porositësi i sulmit dyshohet të jetë Dritan Nano i cili kishte refuzuar të shlyente detyrimet ndaj avokatit, edhe pse ky i fundit e kishte fituar procesin gjyqësor për një pronë të trashëguar.
Dritan Nano ka mohuar akuzat ,por dëshmia e të riut Dorjan Alia i cili u vetëdorëzua dhe pranoi krimin, zbuloi se ai së bashku me 3 të tjerë ishin porositur nga Nano për t’i dhënë një mesazh kërcënues avokatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
