Eksperti i sigurisë Fatjon Softa thotë se eksperienca ka treguar se çdo fillim viti ka qenë periudhë atentatesh dhe krimesh.
Nga studio e “MCN Live”, ai deklaroi se numri i vrasjeve gjatë vitit 2025 ka qenë më i ulët, por shton se është rritur agresiviteti.
Kontrolli i pikave kufitare ndonëse themi se duhet të jetë i shtuar, është e pamundur të kontrollosh me atë fluks që ka në fundvit, dhe për rrjedhojë mund të kalojnë elementë të rrezikshëm apo transportues. 2025 në raport me vitet e tjera ka patur më pak ngjarje, është ulur numri i vrasjeve, por është rritur agresiviteti, duke krijuar një lloj paniku për qytetarët për pasigurinë e tyre.
Që nga vrasja e gjyqtarit në sallën e gjyqit, dhe atentati në aeroportin e Rinasit. Atentati ndodhi aty ku është fluksi më i madh i hyrje-daljeve, aty ku është aeroporti strategjik që Shqipëria ka dhe u godit perimetri i jashtëm i sigurisë. Jo vetëm që nuk u parandalua ngjarja, por nuk pati forcë reaguese. Automjeti ndodhi për mbi 4 minuta dhe nuk pati reagim. Kemi 39 vrasje nga të cilat 8 janë ende të pazbardhura.
Ndërsa sa i takon natës së ndërrimit të viteve, ai kërkoi që të ketë kujdes të shtuar për ngjarjet kriminale, pasi përfitohet nga situata.
Sipas tij, kujdes duhet treguar edhe me vjedhjen e banesave, ndaj këshillon që të lihet një dritë ndezur.
Në verë dhe fundvit është piku i fluksit të qarkullimit në kufi. Shpesh shfrytëzohen këto momente për të trafikuar lëndë narkotike, apo armë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
