Gazetari Sokol Bregu, për rrëfimin e të penduarit të drejtësisë Nuredin Dumani thotë se nga ato që ka rrëfyer, janë vërtetuar më shumë se 10 krime dhe tentativa për 20 të tjera.
Nga studio e MCN Live ai tha se në ato që rrëfen, Dumani e fut veten në shumë krime, por se drejtësisë po i shërben për të ngritur shumë akuza.
Ai thotë që edhe në vrasjen e një gruaje unë mora pjesë, por qëlloi Talo Çela.
Mbasi i kishin vrarë të birin e vranë dhe atë se ankohej në prokurori.
Drejtësisë po i shërben në këto momente për të ngritur disa akuza.
Po përballet me dëshmi shumë të ashpra dhe kundërshti shumë të mëdha nga vetë të akuzuarit.
Shifra të tilla i ka përmendur shpesh herë dhe nuk është ndonjë çudi që t’i kenë ofruar 2 milionë euro për të vrarë Erjon Alibeaj.
Sa i takon lidhjes me Suel Çelës dalin dëshmitë e tij ku thotë se Talo donte të rëndonte Suelin.
Është një kakofoni dëshmish që do jetë një punë e vështirë e gjykatës për të vërtetuar se cili është i akuzuari që do të mbajë përgjegjësinë për vrasjet.
Për platformën Matrix nuk bëhet fjalë për periudhën kur vepronte Dumani.
Vërtetë mund të kenë Matrix e personit përballë, por nuk kanë të personit tjetër.
Se Matrix nuk është thyer ende. Këto akuza që ngre për 2022 në Matrix, nuk janë të vërtetuara plotësisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
