Pas panikut që përfshiu mbrëmë qytetarët e Tiranës për shkak të një lajmi që paralajmëronte një tërmet të fortë në orët e vona të natës, Prokurorja e Përgjithshme, Arta Marku, ka kërkuar nga Prokuroria e Tiranës vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët.
Në një shkresë drejtuar organitë të akuzës së kryeqytetit, Marku ka kërkuar informacion lidhur me mënyrën e trajtimit të rastit.
"Në mbështetje të neneve 38 dhe 50/1 të Ligjit nr.97/2016 ”Për Organizimin dhe Funksionimin e Prokurorisë në Republikën e Shqipërisë”, pa cënuar sekretin hetimor Prokurorja e Përgjithshme znj. Arta Marku kërkoi gjithashtu informacion në lidhje me mënyrën e trajtimit të materialit", thuhet në njoftim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
