Është mbajtur sot në gjykatën e Pogradecit sanca gjyqsore për të caktuar masën e sigurisë për Meardi Berberin dhe dy personat e tjerë të arrestuar në Tiranë, Ervin Kalanë dhe Anterio Kaloshin, të cilëve iu gjet një arsenal armësh në garazh.
Meardi Berberi është i dyshuar si autori i breshërisë së plumbave ndaj një hoteli turistësh në Tushemisht të quajtur ‘Volvoreka’, por sot prokuroria kërkoi masën e sigurisë “arrest me burg” për armëmbajtje pa leje.
Mbrojtja i kërkoi gjykatës të shpallte moskompetencën, pasi të dyshuarit u arrestuan në Tiranë dhe kompetente për gjykim është gjykata e Tiranës. Gjykata pranoi kërkesen e mbrojtjes, duke shpallur moskopetenecën territoriale dhe duke caktuar masën e sigurisë “arrest me burg” për Berberin, Kalanë dhe Kaloshin.
Meradi Berberi dyshohet se organizoi sulmin në hotel së bashku me Anterio Kaloshin, me këtë të fundit që është i akuzuar si i përfshirë në masakrën e Lushnjes së bashku me Laert Haxhiun, (në kërkim) dhe Orges Bilbilin (i arrestuar) ku mbetën të vrarë Zamir Latifi dhe Jurgen Hoxha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
