Moti i keq i 24 orëve të fundit ka bërë që policia të ndërhyjë në disa zona të vendit, për t’u ardhur në ndihmë banorëve. Në Fier, Vlorë e Shkodër janë dërguar grupe të FNSH-së dhe të Delta Forcës.
Sipas Policisë së Shtetit, në Ferras e Novoselë janë dërguar 2 njësi të FNSH-së Fier dhe 2 njësi të Deltës me makina me kalueshmëri të lartë dhe varka e gomone.
Në fshatin Theth Shkodër është kërkuar ndihmë për ta trasportuar drejt spitalit Shkodër një shtetase të huaj, e cila ka shfaqur probleme shëndetësore.
Ndërsa në Gjirokastër gjatë mbrëmjes, forcat e policisë janë angazhuar në evakuimin e banorëve të një pallati, ku ka pasur shkarje dheu dhe rrezikohej pallati.
Në të gjitha akset rrugore, Policia Rrugore ka shtuar prezencën për të orientuar e ndihmuar drejtuesit e mjeteve për shkak të prezencës së ujit në rrugë apo të dëborës në zonat e thella. Patrullat e Përgjithshme në të gjithë territorin janë në patrullim të pandërprerë duke u ardhur në ndihmë disa banorëve në qytete të ndryshme e fshatra që kanë kërkuar ndihmën e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
