Ish-ministri i Mbrojtjes, Fatmir Mediu, ka dorëzuar sot rekursin në Gjykatën e Lartë, ku kundërshton vendimin e Apelit të GJKKO për çështjen e Gërdecit. Në rekursin e dorëzuar nga përfaqësuesi ligjor i zotit Mediu, avokati Ardian Visha, mes të tjerash gjen ngjashmëri mes arsyetimit të vendimit me temën e diplomës së një studenti në Leçe të Italisë.
“Ky arsyetim i faqes 17 përkon identik me një përkthim alla-google të faqes 13 të temës së mbrojtur të diplomës pranë Universitetit të Leçes nga studenti italian i vitit shkollor 2002-2003 pranë atij universiteti, Mirko Massimo Petrachi”.
Me vendimin e disa ditëve më parë, Apeli i GJKKO i hapi rrugë rihetimit dhe rigjykimit të Mediut.
Pas dorëzimit të rekursit, avokati mbrojtës i Mediut, Ardian Visha, në një deklaratë për mediat ka argumentuar se “është shkelur parimi i gjësë së gjykuar”.
Sipas Vishës, vendimi është i cenueshëm pasi është marrë nga një gjykatë e një shkalle më të ulët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
