Përfaqësues të shoqërisë civile, intelektualë të qytetit, specialistë të mjedisit, por edhe qytetarë të ardhur nga zona të ndryshme të vendit, janë mbledhur në zonën e Porto Novës për të protestuar kundër projektit të investimit në Zvërnec.
Protestuesit shprehën kundërshtimin e tyre ndaj projektit, duke argumentuar se ai rrezikon të dëmtojë një nga zonat më të pasura natyrore dhe me vlera të veçanta mjedisore në bregdetin e Vlorës.
Në fjalën e tyre, ata renditën arsyet e protestës, duke theksuar se janë kundër çdo ndërhyrjeje që, sipas tyre, mund të çojë në degradimin e ekosistemit dhe të peizazhit natyror të zonës.
Duke vënë në dukje rëndësinë që Zvërneci ka për komunitetin lokal dhe për qytetin e Vlorës, protestuesit deklaruan se do të vijojnë kundërshtimin e tyre edhe në ditët në vijim.
Në protestë po marrin pjesë edhe qytetarë të ardhur nga Italia posaçërisht për këtë kauzë, të cilët shprehën mbështetjen e tyre për mbrojtjen e zonës dhe kundërshtimin ndaj projektit të propozuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
